[每一次走飲管都是新的練習]

「凍檸茶/咖啡/奶茶少甜，走飲管啊，唔該」雖少喝凍飲，但夏天總有三五七日想冰一冰，而每次點凍飲要求走飲管後心裡都好緊張，到底送來的凍飲會插著膠飲管嗎。

曾遇過以下情況：「凍檸茶少甜，呀，走飲管啊，麻煩晒」，伙記應道「凍檸茶少甜，走飲管，吓，走飲管？」

「對啊，減少用即棄用品嘛」

「哦好呀(聽到個走字，他們想到的不過是飲走冰走茶丫嘛之類的事)」
結果，凍檸茶還是插著膠飲管送來。如果更正不要飲管，他們只會幫你拿掉再|丟棄，將飲管壽命以光速了結…

這次點吃的後，跟阿姐說「凍檸茶少甜，走飲管(手作交叉狀)，唔使用飲管啊，唔該晒！」阿姐順攤回道：「凍檸茶少甜，走飲管，好啊！」過了一會，她放下帳單，看到一項是外賣盒，心想，難道偷唔走飲管仲蝕埋外賣杯？立刻問個明白，她反問「你唔係外賣拎走杯嘢走飲管咩？」😂😂 即刻糾正是堂吃，只是不需要飲管。阿姐哦一聲去改單，拋下一句「唔要飲管點入...」

就是用金屬飲管飲。其實不用飲管，埋口飲都得，不過有時冰太多會飲了很多冰，才會有飲管這邪惡的發明。

結果，這次走飲管成功。
自備仍未普及，環保撚仍需努力！繼續帶著金屬/ 竹/玻璃飲管教育大大小小的食肆，當「走飲管」普及，大家都會認真看待「走飲管」是怎樣一回事。